बिफाया देहा फाहामसालिनिफ्राय फिसाज्लानि गोथै सह’खौ फाफ्लिआव दैखांनानै 2 किलमिटार गोजान थाबायलांदों ।

0
113
Father Carry Son Dead Body

प्रयागराज, 4 आगष्ट, 2022: प्रयागराजनि मोनसे दुखुनांथाव जाथाइया सोरांआव फैदों । देहा फाहामसालिनिफ्राय एम्बुलेन्स मोनैनि जाहोनाव बिफाया अखा हाबाय थानायनि गेजेरावबो फिसाज्लानि गोथै सह’खौ फाफ्लियाव बाननानै लानानै थांनो गोनां जादों । बियो देहा फाहामसालिनिफ्राय 2 किलमिटार गोजानसिमहालागै फिसाज्लानि सह’खौ बाननानै लानानै थादों । बजरंगी यादब मुंनि सुबुंआ 14 बोसोर बैसोनि फिसाज्ला सुभमखौ मोब्लिबजों बोजानायनि उनाव स्वरुप रानी नेहरु देहा फाहामसालिआव फाहामथाइ होनो लानानै थांदोंमोन । नाथाय फाहामथाइ होबाय थानाय समावनो बै उन्दै हौवासाया जिउ गोमायो । बेनि उनाव बिफाया फिसाज्लानि सह’खौ न’आव लांनो एम्बुलेन्सनि मदद नागिरबायदोंमोन । नाथाय रांनि आंखालाव गोग्लैनाय बिफाया राहा गोथेजानानै फिसाज्लानि सह’खौ फाफ्लियावनो बाननानै लांनो गोनां जादों । बिनि बेबादि थासारिखौ नुनानै रैखाथि सान्थ्रिफोरा एम्बुलेन्स लाखिनानै गोथै सह’खौ नसिम दोनहैनो बिथोन होयो । बे जाथाइनि सायाव जिल्ला बेंगिरिनो खौरां हरनाय जादों । बिनि मोनसे भिडिअ भाइरेल जानायनि उनाव CMO खौ नायबिजिरनो थाखाय बिथोन होयो ।

LEAVE A REPLY

Please enter your comment!
Please enter your name here