हाफ्लंनि रेलवे स्तेसना थाबैनो खामानियाव बाहाय जाफिनसिगोन।

0
101
Haflong Railway Station Restoration

हाफ्लं, 26, जुन, 2022: सा- सान्जा भारत हादरजों लोगोसे आसामाव थांनाय माखासे सान सिगां जुब-जुब थादनाय गैयै अखा हानायनि जाहोनाव आसामनि गोबां जायगायाव दै बानानि जेंनाजों रायजो राजोफोरा मोगा मोगि जानो गोनां जायो। जायनि जाहोनाव डिमा हासाव जिल्लानि सिङाव थानाय हाफ्लं रेलवे स्तेसनाबो गाज्रियै गोहोम गोग्लैजानानै खहा जानो गोनां जादोंमोन। आरो जेरैबो दै लोमजानानै रेलवे बिफाननि खामानि मावगिरिफोरजों लोगोसे ट्रेनजों दावबायनानै थाबथानानै थानाय दावबायारिफोरखौबो हेलिकप्तारजों बोखांना रैखाथि गोनां जायगायाव दोनहैनो गोनां जादोंमोन। नाथाइ, दावबायारिफोरा बावयैसो साननि गेजेरावनो बे रेलवे स्तेसननि गेजेरजों दावबायनायनि खाबुखौ मोनफिनसिगोन। मानोना हाफ्लंनिफ्राय बदरपुर थांनाय बायनाय लामाखौ गोदानै फाहामफिन्नाय खामानिया सोलिगासिनो दङ। आरो दान मोनसे खामानि मावनायनि उनाव हाफ्लंनिफ्राय सिलचर थांनाय रेलनि लामायाबो थाबैनो आबुं महर मोननो थांगासिनो दङ।

थांनाय दान मोनसेनि सिगां हाफ्लंनि रेलवे स्तेसना गोबां हा गिसिखानायनि जाहोनाव हाब्रुजों फबसिन जानानै थानो गोनां जादोंमोन जायनि जाहोनाव लामानि थांलाय फैलाय हान्था मेलाया बन्द’ जानानै थानो गोनां जादोंमोन। नाथाइ, दावबायारिफोरनि थाखाय गोजोन्थाव बाथ्रादि खहा जानाय रेलवे स्तेसना थाबैनो खामानियाव बाहाय जाफिनसिगोन मानोना फोसाबनायनि खामानिया फ्रायै मावफुंजानोसै। बेनि अनगायैबो, लामडिंनिफ्राय बदरपुर थांनाय लामाखौबो फाहामनायनि खामानिया सोलिगासिनो दङ आरो मिथिनो मोन्नाय बायदिब्ला खम समनि गेजेरावनो आबुं महर मोनसिगोन। मखजाथावदि, NF Railway नि Chief General Manager Ansul Gupta आ आसामनि गिबि मनत्रिनो गोदान हाफ्लं रेलवे स्तेसननिफ्राय सिलचरसिम ट्रेनआ सोलिफु जुन दाननि 26 अक्टनिफ्राय सोलिफिनसिगोन होन्नानै खोथा होदों।

LEAVE A REPLY

Please enter your comment!
Please enter your name here