भारतीय रेलवेआ क’क्राझार-भुटाननि गेजेराव रेलगारि खारहोनो थांखि लाबाय

0
103

कक्राझार, 6 जुन 2022: क’क्राझार जिल्लानि नोगोरारिफोरनि थाखाय मोनसे गोजोन्थाव खौरां। भारतीय रेलवे बिफानआ बिटिआरनि गाहाइ जिल्ला क’क्राझारनिफ्राय भुटानसिम रेलगारि खारहोनो थांखि लानायखौ फोसावना होबाय। भारतीय रेलवेआ मिथिहोनाय बादिब्ला, क’क्राझार आरो भुटाननि गेजेराव खारगोन रेलनि ट्रेकआ गासै 57.5 किल’मिटार जान्थाय जागोन। क’क्राझार आरो भुटाननि गेजेराव रेलगारि खारहोनायनि थांखि लानानै ट्रेक बानायनाय आरो स्टेसन बानायनायनि थाखाय भारतीय रेलवे बिफानआ गासै 1 रोजा कौटि रां बाहायगोन होन्नानै मिथिहोबावदों।

मखनो गोनांदि, भारत सरकार आरो भुटान सरकारनि गेजेराव थांनाय 2005 माइथायावनो क’क्राझार आरो भुटाननि गेजेराव रेलगारि खारहोनो थांखि लानाय आयदानि सायाव गोरोबथा जादोंमोन। मिरु सरकारआ दासान्दि सा-सान्जा रेलवेखौ क’क्राझारनिफ्राय भुटाननि गेलेफुसिम खारगोन रेलनि थाखाय जायगा नायबिजिरनो बिथोन होनायबो जाबाय। जोबोद रायखांनो गोनांदि, गिबि खेब क’क्राझार आरो भुटानसिम खारगोन रेलनि सिबिथाया बिटिआरनि जिल्लाफोरजों लोगोसे आफां आसामनि सुबुंफोरनि थाखाय फालांगि बिथिङाव जोबोद खाबु गोनां जागोन।

LEAVE A REPLY

Please enter your comment!
Please enter your name here