तामुलपुर, 3 आगष्ट 2022: तामुलपुर जिल्लानि कुमारिकाता पुलिस थानानि सिङाव थानाय थेकियाब’स्टिआव दिनै थांनाय मोनाबिलिनि समाव गोथै देहा बोखांनो मोननाय जाथायखौ लानानै ओनसोलनि सुबुंफोरा सोमोनांनाय मोनसे थासारिया नुजाथियो। जाथायनि सोमोन्दै कुमारिकाता पुलिस बिफाननिफ्राय मिथिनो मोन्नाय बायदिब्ला, कुमारिकाता थेकियाबस्टि फरेस्ट रिजार्भनि गेजेरजों बोहैलांनाय फार रुंगुंआव मोनाबिलिनि 5 रिंगासो समाव सासे सुबुंनि जिउ गोयै गोथै देहा नुनायलाइ ओनसोलनि सुबुंफोरा पुलिस बिफाननो खौरां हरो आरो लोगो लोगोनो जाथायथिलियाव नुजाथिहैना गोथै देहाखौ बोखाङो। उनाव बोखांनो हानाय सुबुंखौ सिनायथिनानै बरिआङारकाता गामिनि सिलब्रास लाक्रा (33) होनना मिथिनो हायो। सिलब्रासआ सानजौफु समाव ना हमनो न’निफ्राय ओंखारबोदोंमोन। नाथाय हरखाब सिलब्रास लाक्राखौ जान्जियाव खबाय खाफ्रानाय थासारियाव दैनिफ्राय बोखांनो हायो आरो सिलब्रास लाक्रानि देहायाव मुर्गी बेरामबो दंमोन होन्नानै मिथिनो मोन्दों।
