गाहाय मन्थ्रि नरेन्द्र मदिआ International Dairy Federation खौ बेखेवदों।

0
114
International Dairy Federation Inauguration

गोदान दिल्ली,12 सेप्तेम्बर 2022: गाहाय मन्थ्रि नरेन्द्र मदिआ दिनै उत्तरप्रदेसनि ग्रेटार नएडाआव International Dairy Federation खौ बेखेवदों। बे खाबुआव उत्तरप्रदेसनि गिबि मन्थ्रि यगि आदित्यनाथआबो बाहागो लादों।गाहाय मन्थ्रि नरेन्द्र मदिआ बुंदों International Dairy Federation जों आबादारिफोरा मुलाम्फा मोनगोन।बेजों गामिनि रां-खान्थि बेबस्थाआ गोख्रों जागोन। Dairy सेक्टरा गामिफोरजों लोगोसे मुलुगनाङैनि सुबुंफोरनि थांनानै थानायनि मोनसे राहा।

International Dairy Federation खौ बेखेवनाय समाव गाहाय मन्थ्रि नरेन्द्र मदिआ बुंबावदों भारताव Dairy सेक्टरनि नंगुबै गोहोआ फिसा फिसौ आबादारिफोरासो।

भारताव Dairy क-अपारेटिबनि मोनसे गिदिर नेटवार्क दं।जायनि सिनायथिखौ मुलुगनाङै मोननाया गोब्राब। Dairy क-अपारेटिबआ हादतनि 2 लाखनिफ्राय बांसिन गामिफोरनि 2 कौटि आबादारिफोरनिफ्राय खननै गायखेरखौ जमा खालामो आरो बे गायखेरखौ बाहायगिरिफोरनो जगायनानै होयो।बे हाबा फारिआव रावबो मिडिल मेन गैया आरो बाहायगिरिफोरनिफ्राय जा फैसा मोनो,बेनि 70 जौखोन्दोनिफ्राय बांसिन फैसाखौ थोंजों आबादरिफोरा मोननो हायो।

भारता मुलुगफोरनि गेजेराव बयनिख्रुइबो बांसिन गायखेर दिहुनग्रा हादत।भारतनि 8 कौटिनिफ्राय बांसिन नखरनो बे सेक्टरा खामानिखौ जगायनानै होदों।

LEAVE A REPLY

Please enter your comment!
Please enter your name here