बिटिआरनि रायजोफोरनि थाखाय अरायबो जौगालु खामानि मावलांगोन: राकेश ब्रह्म ।

0
146
Mushalpur UPPL Har Ghar Tiranga Rally

नखर नखर हादोरारि फिरफिला बिरहोनाय मोन्थोरजों मुसलपुर ब्लक इउपिपिएलनि गोलाव हानजा सुरनाय ।

मुसलपुर ब्लक इउपिपिएल दोलोनि बानजायनायाव भारत हादरनि 75थि उदांस्रि सान Azadi Ka Amrit Mahatsav जों लोब्बा लाखिनानै हादरनि गोथार फिरफिलाखौ नखर नखर फिरफिला बिरहोनो रायजोफोरखौ सांग्रांथि होनाय हाबाफारि लादों । मावफुं सोद्रोमा राकेश ब्रह्मनि बानजायनायाव खुंफुंनाय बे गोलाव हानजा सुरनायाव सा 1500निबो बांसिन रायजोफोरा बाहागो लादों आरो भारत माता की जय, वन्दे मातरम् , हर घर तिरंगा, बायदि स्लगानजों गोमसार होदों । भारत हादरनि गोथार फिरफिलाखौ आजादी का अमृत महात्सोवजों लोब्बा लाखिनानै नखर नखर बिरहोनो हादरनि गाहाइ मन्थ्रि नरेन्द्र मडिया बिथोन होनाय बायदिनो एखेरोखोमै सांग्रांथि होदों मावफुं सोद्रोमा राकेश ब्रह्मया । आरो साफ्रोमबो रायजो राजाफोरखौनो हादरारि फिरफिलाखौ मान होनायजों गंफ्रोमबो नखराव बिरहोनो खावलायदों । बेजों लोगोसेनो बिटिआरनि रायजोफोरनि थाखाय फैबाय थानाय समाव अरायबो जौगालु मावलांगोन होनना खोथा होदों । मुसलपुर ब्लक इउपिपिएल दोलोनि बानजायनायाव खुंफुंनाय बे हानजा सुरनायखौ मुसलपुर जिल्ला इउपिपिएल दोलोनि आफादगिरि निप्रेन चन्द्र बर’या बेखेवनानै होयो आरो साफ्रोमबो रायजोफोरखौनो नखराव हादरनि फिरफिलाखौ बिरहोनो खावलायो ।

LEAVE A REPLY

Please enter your comment!
Please enter your name here