गोदान दिल्ली,2 सेप्तेम्बर 2022: गुजरातनि आराभल्ली जिल्लाआव गिदिर जाब्रबथाय जादों।बे जायागाआव गोख्रैयै खारबोबाय थानाय गारिआ आथिंजों दावबायनाय सुबुंफोरखौ हरखाबै सौग्रावफैयो।गारिआ सौग्राव फैनायाव सा 6 सुबुंफोरनि जिउ खहा आरो गुबुन सा 6 सुबुंफोरा गोब्राब जोखोम जायो।
जाब्रबथायनि खौरां मोननानै पुलिसआ जाथायसालिआव सौहैयो आरो जोखोम जानाय सुबुंफोरखौ हाखु दाखु देहाफाहामसालिआव थिसनयो।जेराव जोखोम जानायफोरखौ फाहामथाय होगासिनो दं।
पुलिसनि बायदिब्ला ,आराभल्लीआव जानाय जाब्रबथायखौ नायबिजिरगासिनो दं आरो थैनाय सुबुंफोरखौबो सिनायथिनो नाजागासिनो दं।थैनाय सुबुंफोरखौ पस्टमार्टमनि थाखाय देहाफाहामसालिआव दैथाय हरनाय जाबाय।पस्टमार्टम खालाम खांनायनि उनाव थैनाय सुबुंफोरखौ नखरनो गथायनाय जागोन।
