उत्तर प्रदेश, 2 सेप्तेम्बर 2022: मोनसे दुखुनांथाव जाथाइ । उत्तर प्रदेशनि गाजियापुरआव गंसे नावआ दैयाव गोदो सा 5 गथ’साफोरजों लोगोसे सा 7 सुबुंफोरा जिउ खहा जादों । रिपर्टनि गेजेरजों मिथिनो मोननाय बादिब्ला, रेवाटिपुर पुलिस स्टेसननि बेन्दोंआव थानाय आथता गामिनि दैबानाजों बुगिनांनाय सा 17 सुबुंफोरा नावआव गाखोनानै गंगा दैमाखौ बारनो नाजादोंमोन । बे समावनो नावनि गिख्रंथाव जाब्रथाइजों सा 7 सुबुंफोरा जिउ खहा जायो । बेनिफ्राय सा 10 दावबायारिफोरखौ ड्राइभारआ SDRF हानजाजों लोगो नांनानै रैखा खालामनो हायो आरो गोथै सह’खौ बोखांनो हादों । अदेबानि गिबि मन्थ्रि यगी आदित्यनाथआ जिउ गोमानाय सुबुंफोरनि थाखाय दुखु मोननाय फोरमायदों आरो नावनि जाब्रथाइजों खहा जानांनाय सुबुंफोरनो रांखान्थियारि अनसुंथाइ होदों ।
उत्तर प्रदेशआव गोबां अखा हाबाय थानायनि जाहोनाव ओनसोलनि थागिबिफोरा गोबां जेंनाजों मोगा-मोगि जानांदों । गिबि मन्थ्रिआ दैबाना लोमसावजानानै रैखाथि बादायाव थानांनाय सुबुंफोरखौ नायहैनायनि माखासे समनि उनावनो बे जाथाइया सोमजिदों । थामहिनबा, उत्तर प्रदेशआव थांनाय माखासे सान सिगांनिफ्रायनो दैबानानि जेंनाजों मोगि-मोगि जानांदों । अखा हाबाय थानायनि जाहोनाव उत्तर प्रदेशआ दैबानाजों गोबां खहा जानांदों ।
