बगटा, 3 सेप्तेम्बर, 2022: कलम्बियायाव सोमजिदों मोनसे गिख्रंथाव जाथाइ । पुलिसनि मोनसे हानजाया गारिआव गाखोनानै हान्थिनाय समावनो बम बेरफ्रुनानै सा 8 पुलिस बिबानगिरिआ जिउ खहा जादों । मिथिनो मोननाय बादिब्ला, सुथुरआ पुलिस हान्जानि दावबायनाय गारिआव बमखौ लगायनानै होदोंमोन । जायनि जाहोनाव बम बेरफ्रुनायजों पुलिस बिबानगिरिफोरा जिउखौ फोजोबना लानाङो । बे जाथाइआ सोनाब कलम्बीयाआव सोमजिदों । कलम्बीयानि हादरगिरि गुस्ताभ पेट्रआ बे जाथाइनि सायाव बिबुंथि होदों । बियो बुंदों, हादराव 60 बोसोरनिफ्राय सोलिबोनाय दाङाबाजिखौ फोजोबनो थांनाय समावनो पुलिस हानजानि सायाव बेबादि गिख्रंथाव गाग्लोबदों । लोगोसेनो हादरगिरिआ जिउ गोमानाय पुलिस बिबानगिरिफोरनि थाखाय दुखु मोननाय फोरमायदों आरो नख’रनि सुबुंफोरखौ हाजासे मदद खालामगोन होनना बुंथिदों । बेजों लोगोसेनो जाथाइथिलिआव जाथाइखौ नायबिजिरनो थाखाय बिबानगिरिफोरखौ दैथायहरबाय होनना बुंथिदों।
