BSF जवाननि फिसाजोआ बिफाखौ बुथारग्रा उतखारिनि खर’खौ दानसनो खावलाइदों।

0
110

गोदान दिल्ली,22 जुलाइ 2022: त्रिपुरानि बांग्लादेस सिमाआव मुंख्लं जानाय BSF जवान गिरिजेश कुमारखौ गार्ड अफ अनार होनानै जोबथा बिदाय होनाय जाबाय।मुंख्लं BSF जवाननि फिसाजोआ BSF नि डिआइजि आरो मिरुनि मन्थ्रिनि सिगाङाव बुंदों बिफाखौ बुथारनायनि खिथेर लानांगौ।उरि गाग्लोबनायनि उनाव जेरैबायदियै सार्जिकेल स्ट्राइक खालामदों,बेबायदिनो सार्जिकेल स्ट्राइकखौ खालामनांगौ।उतखारिनि खर’खौ दानसब्लासो गाव आरो गावनि बिफाआ गोजोननाय मोनगोन।

मखनो गोनांदि मुंख्लं गिरिजेश कुमारा मध्यप्रदेस मन्डला जिल्ला ग्राम चरगावनि थागिबि।बिखौ BSF नि 145थि बटालियान कंचनपुराव हावालदार महरै थिसनदोंमोन।थांनाय सानाव त्रिपुरानि बांग्लादेस सिमानि खाथिआव उतखारिफोरनि हेंथायै अपारेसन खालामनाय समाव बियो मुंख्लं जादोंमोन।बेनि उननिफ्रायनो ग्राम चरगावआव दुखुनि बाना साग्लोबसारदों।

मुंख्लं गिरिजेश कुमारनि गोथै देहाखौ जोबथा बिदाय होनायाव मिरुनि मन्थ्रि फग्गन सिं कुलस्ते,जिल्ला खुंथाय, पुलिसनि बिबानगिरिफोर आरो गामिनि सुबुंफोरा बाहागो लादोंमोन।गिबि मन्थ्रि शिवराज सिं चौहानआ मुंख्लं नखरनि सुबुंजों फनआव बाथ्रा रायज्लायनानै 1 कौटि रां अनसुंथाय होनायजों लोगोसे नखरनि सासे सुबुंनो साख्रि होनो खोथा होदों।

LEAVE A REPLY

Please enter your comment!
Please enter your name here