गोदान दिल्ली,16 आगस्ट 2022: देहाखौ गाहामै लाखिनो थाखाय देहा सिंनि मैलाखौ बायजोआव दिहुनहरनाया गोनांथार।जुदि देहा सिंनि मैलाआ बायजोआव ओंखार लाङाब्ला एबा बडिआ डिटक्स जायाब्ला बे मैलाआ थैआव जमा जानानै थायो।बेनि जाहोनाव बिगुरखौ जोंखोल नुया आरो मोदोमनि बिगुराव सिथर सिला जायो।बेजों लोगोसेनो देहाआव गुबुन गुबुन रोखोमनि जेंनायाबो नुजाथियो।बेनि थाखायनो थैआव मैला जमा जानायखौ साफा खालामनो हार्बल चाहाखौ लोंनांगौ।
थैखौ साफायै लाखिनो हानाय हार्बल चाहाफोरा जादों…
- तुलसिनि चाहा – तुलसिआ थैखौ साफा खालामो।बेनिथाखायनो सानफ्रामबो गां 10-12 तुलसि बिलाइखौ जाब्ला थैआ साफा जागोन।तुलसिनि चाहा बानायनो थाखाय गिलाससे दैआव गां 10-12 तुलसि बिलाइखौ होनानै अराव फुदुंनांगौ।जेब्ला बे दैआ राननानै आधा जायो अब्ला बेखौ चाहा बायदि लोंनांगौ। बेबायदि बानायनानै फुं आरो बेलासिआव लोंनो हागोन।
- लेबुनि चाहा – लेबुआ देहा सिंनि मैलाखौ बायजोआव दिहुनहरनायाव हेफाजाब होयो। लेबुआव थानाय भिटामिन सि आरो मिनारेल्सआ थैखौ साफा खालामनायजों लोगोसे दोगोन खान्थिखौबो गोख्रों खालामो।लेबुनि चाहा बानायनो थाखाय गिलासे दुंब्रुद दैआव एसे चापाती होनानै अराव गोदौ होनांगौ।बेनि उनाव बेखौ सरनानै लेबुनि बिदैखौ सेबनानै गलायनानै लोंनांगौ।बेबायदि खालामनानै फुंनि समाव उदै खालिआव लोंनो हागोन।
- दालचीनि आरो गुड़नि चाहा – दालचीनिआ देहाखौ गाहामै लाखिनायाव मदद खालामो।दालचीनि आरो गुड़नि चाहा बानायनो थाखाय गिलाससे दैआव एसे दालचीनि आरो गुड़खौ होनांगौ। जेब्ला बे दैआ रानानै आधा जायो अब्ला बेखौ सरनानै लोंनांगौ।
(NOTE: बे खैराङा नखराव बाहायनाय सरासनस्रा खौरां।बेखौ बाहायनायनि सिगां फाहामगिरिनि बोसोन लाग्रो।)
